जोतिर्लिंग मंदिर

स्वयंभू पिंड आहे त्या ठिकाणी मंदिराची उभारणी करून पूजा अर्चा करू लागले. तेच आत्ताचे सोनवडे गाव.  अगोदर त्या ठिकाणी कौलारू उतरत्या छपराचे मंदिर होते. परंतु त्या जुन्या मंदिराच्या जागेवर २०१६ साली सर्व ग्रामस्थांच्या सहकार्यातून मंदिराचा जिर्णोद्धार करण्यात आला व मंदिराचे संपूर्ण रूप पालटले. मंदिरामध्ये सुंदर  अशी विद्युत रोषणाई केली आहे. मात्र जीर्णोद्धार करताना आजही स्वयंभू पिंड आहे तिथेच आहे.पूर्वीची असणारी महादेव, हनुमान, मरी आई ,नाईकबा व मसोबा ही सर्व देवस्थाने आत्ताच्या ज्योतिर्लिंगाच्या मंदिरामध्ये सामावली आहेत. या मंदिरामध्येच गावातील सर्व जाती धर्माचे लोक एकोप्याने आनंदाने विविध सण साजरे करतात. श्रावण महिन्यात रुद्र अभिषेकाचे वाचन व सत्यनारायणाची पूजा करतात. घटस्थापना , नवरात्र उत्सव, विजयादशमी दसरा तसेच रथसप्तमीला कुंभार गावचे धोंडीराम कांबळे महाराज यांनी सुरू केलेला तुकाराम गाथा पारायण सोहळा सप्ताह साजरा केला जातो.